منتديات طلاب و طالبات جامعة الرباط الوطني
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 هل فتاة النت سيئة ام...؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
oLkEr
Admin
avatar

انثى عدد الرسائل : 61
العمر : 28
العمل/الترفيه : طالبة في كلية الطب
المزاج : HaPpY
تاريخ التسجيل : 06/04/2008

مُساهمةموضوع: هل فتاة النت سيئة ام...؟   الأحد أبريل 20, 2008 5:04 am

السلام عليكم و رحمة الله و بركاته

بصراحة هناك سؤال يراودني كثيراً و اردت ان اطرحه فلربما اجد الجواب الشافي..

بما اننا صرنا في زمن لا يمكن التخلي فيه عن النت و صار جزءأ لا يتجزأ من حياتنا ..

و كما نعلم فالنت سلاح ذو حدين .. اما استملته فاستفدت منه و اما استعملته فيما لا ينفع فيضرك..

سؤالنا لليوم.. الفتاة التي تدخل النت.. المواقع اليومية.. المسنجر.. الهوتميل.. المنتديات و ما إلى ذلك..

هل هي فتاة سيئة؟ و لماذا؟

و ما رأيك و ما الفرق بين الفتاة التي تدخل النت للاستفادة و المواقع العلمية و المواقع الاسلامية و بين الفتاة التي تختار دخول النت للشات و المواقع التي لا فائدة منها و المواقع المخالفة لديننا الاسلامي؟

طيب.. هل يعيب الفتاة اذا كانت تدخل النت؟ بمعنى آخر هل تتزوج من فتاة نت؟ و لماذا؟

فالنهايه انتظر ردودكم جميعا و منقشاتكم..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ribat.do-goo.com
د.دعاء

avatar

انثى عدد الرسائل : 11
العمر : 30
العمل/الترفيه : طبيبه مستقبليه
المزاج : نكده
تاريخ التسجيل : 22/04/2008

مُساهمةموضوع: رد: هل فتاة النت سيئة ام...؟   الثلاثاء أبريل 22, 2008 4:30 pm

اوك سؤالك غريب انت هسي حضرتك ممكن نقول عليك كدا فتى النت
طيب هل انت انسان غير محترم لانك بتدخل النت لا طبعا لا انه دخول النت من عدمه
ما بحدد اخلاقك الاخلاق دي
ماشكليات يعني الواحد لو انقطع عن العالم الخارجي وكان انسان سيء فهو انسان
سيء بعدين فرق الولد والبنت شنو
الموضوع ماولد وبنت الموضوع تربيه واسره واخلاق
كل انسان على حسب شخصيته
اما موضوع الزواج مااعتقد ان الانسان مهما كان ولد ولا بنت
الواحد ممكن يتعرف عليه عن طريق النت
فالمبدا بتاع التعارف عن طريق النت هو الغلط
Sleep Evil or Very Mad Cool
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
oLkEr
Admin
avatar

انثى عدد الرسائل : 61
العمر : 28
العمل/الترفيه : طالبة في كلية الطب
المزاج : HaPpY
تاريخ التسجيل : 06/04/2008

مُساهمةموضوع: رد: هل فتاة النت سيئة ام...؟   الأربعاء أبريل 23, 2008 5:05 am

اولا الغاليه انا بنت Smile

ثانيا: ردك حلو و رائع بصراحة و كلن و وجهة نظره

بس كتير انا بسمع انا ناس بيحكمو على ناس عن طريق المواقع اللي بيدخلوها

ما علينا .. نقطة الزواج نقطة مهمه و فعلا نظريتك صحيحة

مبدا التعارف عن طريق النت ما بيؤدي لي شي

و ثانكس على رايك الحلو و انا مستنية اسمع اراء البقية Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ribat.do-goo.com
,,coolgirl,,

avatar

انثى عدد الرسائل : 33
العمر : 28
المزاج : راييييييييييييييييييييييييييييقة من جد.....
تاريخ التسجيل : 12/04/2008

مُساهمةموضوع: رد: هل فتاة النت سيئة ام...؟   السبت أبريل 26, 2008 2:58 am

اولا: شكرا على الموضوع الحلو والحساس
وتانيا :انا بعتقد انه مش سئ انه الفتاة تدخل للنت لانه ممكن تستفيد منه في حاجات كتيرة
فاذا كان استعمالها في حدود الادب والذوق بالعكس انابحترمها لانها بتساعد وبتدي رايها في حاجات كتيرة مامفروض تكون مقتصرة على الشباب فما معقول انه النت كله يكون مسموح بيه للشباب وده فيه ظلم للبنات ...
واذاكان مرفوض في مجتمع انه البنت تدخل النت اسمحولي وطبعا ده رايي الشخصي ده مجتمع متخلف ..
وانا مابنكر وجود فتيات سيئات وبستخدموا النت لاغراض سيئة لكن اي زول في الزمن ده بتحكموا اخلاقه وتربيته واي زول رقيب نفسه وهي وضميرها ونحنا مابنصلح المجتمع وزي مافي بنت فاسده ايضا في اولاد فاسدين فنحنا ليه نحرم البنات من ممارسة اي حاجه ونعتبرها عيب ...صح انه نحنا في مجتمع شرقي ومحافظ لكن انا بعتبرة ماعيب وممكن نشوف عيوب تانية كتيرة في المجتمع سببها البنات ونصلحها غير استخدام النت ....
وعندك مثلا انابكتب في المنتدى ده هل من المعقول انه ابوي يرفض انه بنته تكتب في منتدى واخوي يكون بيكتب في نفس المنتدى؟وهل لو انا بكتب ده يعني انه انا بنت فاسده ؟ وده راي زول تعدى الخمسين من عمره فمابالك بينا نحنا... وعلى فكره بعد كم سنه حتتغير نظرة الناس لبنات النت زي اي حاجه كانت بتطلع جديده بتكون محرمه على البنت زي الجوالات والاب توبات زمان مابشتروها الا الاولاد والمطاعم مابيمشوها الا الشباب شوفي هسي في اي مكان في بنات وبدون محارم يعني الزمن اتغير ....
وبعدين انابأيدك يا د.دعاء واولكر وبرفض بشدة الزواج عن طريق النت
طبعا طولت عليكم ....
تحياتي....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ــــــ$$MeEzo0o$$ــــــ



ذكر عدد الرسائل : 12
العمر : 28
المزاج : انسى بس...
تاريخ التسجيل : 07/04/2008

مُساهمةموضوع: رد: هل فتاة النت سيئة ام...؟   السبت أبريل 26, 2008 7:01 am

لا حولااااااااااااااااااااااااااااااااااااااااااااااااااااااا دا كلو عشان بس البت بتخش النت طيب ما عادي مافيها حاجة وانا اسي قاعد اعلم اخواتي النت وكمان امي عدييييل كدا ماشين يقولو الحاجة فاسدة كمان دا كلام ما صاح طبعا ومافي منطق بقول كدا ولا ماكدا النت دا عبارة عن سلاح ذو حدين يا تستعملو في البفيدك يا تستعملو في البضرك وبجيب ليك الكلام وبعدين انا ما شايف انو فيهو حاجة دخول البنت النت تراكم هدا انتو قاعدين تخشوا وتتكلمو عادي مافيها شي ياخ مجتمعنا دا مجتمع معقد ساكت اسي البت اكان خشت النت حا يحصل ليها شنو يعني بالعكس هي لروحا بتستفيد منو فمافي داعي نحرما البنات من الفائدة الكبيرة دي اللي البستحقو انهم يتحرمو منها وبعدين الزواج من النت دا كيف اصلا دي عباطة ساي انا امشي اعرس لي وحدة في بلد وانا في بلد تانية وحتى لو كنا في نفس البلد هي لا بتعرفني ولا انا بعرفا ولا عشت معاها ولا شفتها ولا عارف طباعا شنو ولا عارف اهلها كيف ولا اي حاجة دا كلام شنو دا علي بالطلاق دي عوارة عديييل..
لكن كيفتيني يادكتورة دعاء لمن كنتي قايلة اولكر ولد هههههههههههههههههههههههههههههههههههههههههههههههههه اتكيفت لمن بهناك.. ما تكدب عليك تراها ولد من جد..هههههههههههههههههههههههههههههههههههههههههههههههه..

شكرا ليك يا اولكر عالموضوع الجميل والهادف دا واتمنى المزيد من المواضيع لنتطرق الى نقاشها وياريت تكون حساسة عشان نتحمس في الرد..

تقبلي مروري..
ميزو..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ribat.do-goo.com
_______



ذكر عدد الرسائل : 8
العمر : 97
تاريخ التسجيل : 19/04/2008

مُساهمةموضوع: رد: هل فتاة النت سيئة ام...؟   الثلاثاء أبريل 29, 2008 6:43 pm

السلام عليكم ورحمة الله وبركاته
أقول اذا كنا سنجرم الفتاة لاستخدامها النت فعليه يترتب منعها من الموبايل والتلفزيون وحتى الهاتف الثابت وهذا أمر لا يستقيم!!!
فالمرأة مثل الرجل لها الأستفادة من هذه النعمة ويترتب عليها ما يترتب عليه من المسؤلية
فالاستخدام العام للعلم وغيره وتبادل المعرفة والعلوم والخبرات حق اصيل من حقوقها ولا يجوز الأساءة اليها لذلك
اما الدخول واستخدام النت في ما حرم الله وما خالف شرعه فهو حرام على الجنسين دون استثناء
ما سبق كان في حقها في استخدام النت ولا يجادل في ذلك عاقل , اما بخصوص العلاقات بين الجنسين فقد بحثت ووجدت ان معظم ردود العلماء والمشايخ كانت تتركز في الخشية من انحراف العلاقة وجرها لما لايحمد عقباه وذلك لان الاساس ميل الرجل للمرأة وبالعكس, ولكي ابسط الأمر عليكم يجب ان يكون التعامل في حدود الشرع والعرف بما اننا مجتمع مسلم
كما تتعامل مع الزملاء في الجامعة والعمل في حدود، تعامل هنا في حدود.
وهذا لا يعيبها في شي طالما كانت على مايرضي الله اما اذا ما خالفت فأكيد ان هذا يعيبها كما يعيب الرجل
بالنسبة للزواج أقول وارجو ان تعيها قلوبكم سواء في النت او ارض الواقع فإن اي رجل على وجه الارض مسلم او غيره ( يفضل) ان يتزوج من امرأة قليلة العلاقاة مع الرجال فالاصل النساء مع النساء والرجال مع الرجال وما بينهما في حدود الضرورة من عمل وغيره
وكما لاتحب المرأة الرجل( العينو زايغة) و24 ساعة وسط البنات فإن الرجل لا يحب المرأة التي تكثر من مجالسة الرجال بلا سبب (ونسة) يعني!!
اما ان يكون الزواج خبط عشواء من دون معرفة كل طرف لحقيقة الآخر بس من خلال النت فهذا غباء الكتروني لاغير مع استثناء الحالات النادرة
وفي الختام الشكر لك على الموضوع الهام ولكم التحية.

شهريار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
السارح في ضياء .....

avatar

ذكر عدد الرسائل : 2
العمر : 30
المزاج : معكنن دايما
تاريخ التسجيل : 04/06/2008

مُساهمةموضوع: رد: هل فتاة النت سيئة ام...؟   الأربعاء يونيو 04, 2008 4:23 am

هووي الفلسفة الكتيرة ما كويسة للعقل يا شباب No

بت النت مالكم و ماله؟؟,,, بس عدم الموضووع جبرنا كلنا نخش نت Basketball
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
miss.mo0ojrema

avatar

انثى عدد الرسائل : 49
العمر : 25
المزاج : ~_~ sleeeepyyyyy
تاريخ التسجيل : 07/04/2008

مُساهمةموضوع: رد: هل فتاة النت سيئة ام...؟   الجمعة يوليو 04, 2008 5:59 am



انا ما حا ابدا اتفلسف في كلاماتي


بس الناس كفو وفو ف كلامهم

وكلهم قالو وردو على الموضوع

ويسلمو على الموضوع الحلو يا اولكر


يلا بننتظر ابداعاتك يا حبوبة

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقة الجنه



عدد الرسائل : 6
العمر : 32
تاريخ التسجيل : 24/07/2008

مُساهمةموضوع: رد: هل فتاة النت سيئة ام...؟   الخميس يوليو 24, 2008 2:10 pm

السلام عليكم اخى العزيز
النت سلاح ذو حدين فيه الضار وفيه المفيد للانسان ذكر كان ام انثى
فلا يمكن ان نصنف الفتاة على انها كويسه ولاكعبه بس عشان انها بتفتح النت ونكون ما عارفين الغرض الاساسى الفتحت بيه النت
واما الزواج عن طريق النت وخاصه عن طريق الدردشه حتى لو تم حتكون هناك شكوك بين الزوجين وسؤال بيدور فى عقلهم (زى ما عرفتنى ممكن تكون عرفت غيرى وممكن تعرف لسه) ولا شنو ياشباب؟؟ Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دعاء ميمي



عدد الرسائل : 7
العمر : 26
تاريخ التسجيل : 10/10/2009

مُساهمةموضوع: رد: هل فتاة النت سيئة ام...؟   الأحد أكتوبر 11, 2009 12:07 am

oLkEr كتب:
السلام عليكم و رحمة الله و بركاته

بصراحة هناك سؤال يراودني كثيراً و اردت ان اطرحه فلربما اجد الجواب الشافي..

بما اننا صرنا في زمن لا يمكن التخلي فيه عن النت و صار جزءأ لا يتجزأ من حياتنا ..

و كما نعلم فالنت سلاح ذو حدين .. اما استملته فاستفدت منه و اما استعملته فيما لا ينفع فيضرك..

سؤالنا لليوم.. الفتاة التي تدخل النت.. المواقع اليومية.. المسنجر.. الهوتميل.. المنتديات و ما إلى ذلك..

هل هي فتاة سيئة؟ و لماذا؟

و ما رأيك و ما الفرق بين الفتاة التي تدخل النت للاستفادة و المواقع العلمية و المواقع الاسلامية و بين الفتاة التي تختار دخول النت للشات و المواقع التي لا فائدة منها و المواقع المخالفة لديننا الاسلامي؟

طيب.. هل يعيب الفتاة اذا كانت تدخل النت؟ بمعنى آخر هل تتزوج من فتاة نت؟ و لماذا؟

فالنهايه انتظر ردودكم جميعا و منقشاتكم..




الاجابات بتختلف نتيجة اختلاف تفكير الناس ومستواهم العلمي والمعرفي والاخلاقي !!

وانا ماحرد لانو الاعضاد كفو ووفو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وائل سلاوي



عدد الرسائل : 1
العمر : 33
تاريخ التسجيل : 30/08/2010

مُساهمةموضوع: رد: هل فتاة النت سيئة ام...؟   الإثنين أغسطس 30, 2010 4:30 pm

عاااااااااااااااااااااااااااااااااادي البنت تخش النت لو البنت التخش النت ما محترمة معناتها نحن الشباب برضوا ما محترمين .... وبالذات الايام الجاية علينا دي لازم البنت تخش النت ونحن يا اخواني في زمن انفتاح ...... على قول الشاعر الكبير بن عزوز ____ مشيها حالك يمشي afro affraid cat cat
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هل فتاة النت سيئة ام...؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
◦ღ♡♥ الرباط الوطني ஓ♥& :: المنتديات العامة :: هنا نرتقي-
انتقل الى: